Aya the minimalist
سلسلة كتبي
كتاب المنيماليست:
عن الحرية المالية هيساعدك تتعرف على طرق جديدة للتفكير فى الفلوس و ادارة الآعمال و ازالة الآعباء المادية و تخفيف المسؤولية.
كتاب المنيماليست:
لمنيماليزم الجمالي هيساعدك تتعرف علي طرق تفكير المنيماليست و افكار لعمل اللايف ستايل الخاص بيك فى بيتك، ملابسك و طعامك.
كتاب المنيماليست:
طريقى للراحة النفسية هيساعدك تعيش الحياة ببساطة و حب و تستمتع بالتفاصيل.
آية الغمرى
من زمان و أنا صغيرة و أنا مهتمة جدا باللايف ستايل سواء كان على مستوى البيت, اللبس, تطوير الذات , الكيفية اللى بأقضى بيها اليوم, تحديد الأولويات ....الخ.
كان دايما بيبهرنى ان حد يكون نفسه جدا بشخصيته الحقيقية و بطبيعته و بستايل بتاعة الخاص جدا !!!
و رأيى دايما ان كل الأذواق جميلة و لذيذة و التغيير دايما مطلوب من وقت للتانى, لكن عشان يكون التغيير دة للأفضل و أقدر أقيسه كان مهم جدا تكون البيئة حواليا هادية و صحية وواضحة و بسيطة, و آكل حلو و ألبس حلو.
و دة اللى حصل بعد ما بدأت أتخلص من الكراكيب فى حياتى سواء كانت ملموسة فى هيئة أشياء أو غير ملموسة فى هيئة مشاعر و عواطف ...
و بالفعل بدأت أتخلص من أى حاجة (مكسورة أو تالفة أو مش بأستخدمها) , لقيت حياتى فعلا بتتغير للأحسن على مستوى (العلاقات - المال - العمل - الوقت) بسبب تركيزى على الحجات المهمة و بس ...
و بطلت أقاوم أى تغيير لأن معناه اننا بنكبر و نتطور و مقاومته بتضيع علينا فرص كتير لحياة أفضل.
و لاحظت ان مع كل تغيير بنشترى حجات تساعدنا و تسهل علينا عملية التغيير ...
مثال: لما ست بتعرف انها حامل فى بيبى ... أول حاجة بتفكر فيها لبس البيبى ده و هل يا ترى ولد وللا بنت عشان تظبط بالت الألوان مثال تانى: لما حد بيعرف ان وراه انترفيو أول حاجة بيفكر فيها هل متوفر عنده لبس فورمال
مع الوقت و مع تجاوز عملية التغيير بتفضل الحجات اللى استخدمناها كانها بواقى فى ساحة معركة ...
و هنا بيجى دورى فى التخلص من الكراكيب دى عشان أساعد الناس يستمتعوا بحياتهم و ببيوتهم ، و أماكن شغلهم و تفاصيل يومهم و حياتهم و يستقبلوا فرص أفضل و تغيير جديد .....