اتخلص من كراكيب السنين فى شهر واحد بس

عيش حياة الهدوء و الرفاهية و البساطة

اتخلص من كراكيب بيتك فى شهر واحد بس

معاك خطوة بخطوة بنتخلص من كراكيب بيتك و خلق جو هادى ليك و لعائلتك

احجز الآن

هدفنا نساعدك تتخلص من الكراكيب في بيتك و المناطق المفضلة ليك

استشارة فردية لمدة ٢٠ دقيقة
اونلاين سيشن للتخلص من الكراكيب

اونلاين سيشن للتخلص من الكراكيب

سيشن بنتخلص فيها من الكراكيب الموجودة في الاماكن المطلوبة

جميع الجلسات بتكون اونلاين بنبدأ باننا بنبعت صور الآماكن المراد التخلص من الكرايب فيها باطلب منك خطوات معينة و أحسن حاجة في الخدمة دي هي انك بتلمس نتايج فورية و

بتشوف بوضوح كفاية لانك بتعمل كل القرارات المؤجلة

ممكن نشتغل في مكان جديد كل سيشن و ممكن نشتغل في مكان واحد طول الشهر.... يعتمد علي

١- قوة الدافع عندك

٢- قدرتك علي اتخاذ القرارات

احجز الآن

صور لمشروعات سابقة

آراء بعض العملاء في اللي بنقدمه في البرنامج

Sondos

شكرا بجد يا ايه شجعتينا اننا ناخد خطوه ف حاجات كتير اووووى بجد .. درج الادويه كان مليان ادويه ومكنتش اعرف عندى ادويه ايه اصلا وبكسل ادور فيهم من كتر اللخبطه اللى فيه وبعد ما نظمته ورميت اللى ملهوش لازمه اكتشفت أن عندى ادويه تكفينا لمده خمس سنين قدام والله

Ansam

تيجة

decluttering

خارجي فقط لأوضة الأطفال و أزايز العصير والمشروبات الغازية بس (لسه مدخلتش جوه الأدراج) عشان تصدقي إني أجدع وحدة تحتفظ بحاجات ملهاش لازمة

أنا حقيقي معرفش كل الحاجات دي كانت عندي بتعمل إيه غير زحمة و كركبة و انتي اللي شجعتيني أتخلص من حاجات كتير مستخسراها
ربنا يجعله ف ميزان حسناتك ❤
لسه مكملين بردو 💪

Sara

النهاردة يوم تاريخي في مسار ال

decluttring

حقي .. تخلصت من نص الحاجات اللي مكركباها تحت بند يمكن أحتاجها في الهاند ميد و لقيت بلاوي
جلد وشنط وبكاك وخيوط وقصاقيص وهدوم وهدوم مقصوصة ومش متكملة
قلبي مطاوعنيش أرمي كله بس دا تطور كويس خصوصا أن فيهم حاجات من 8 سنين + بعت أول شنطة من شغلي لأني بقالي حوالي شهرين مش راضية أديها لصاحبتها ومش راضية أفرط فيها ،
حاسة أني بعت عيل من عيالي 😭
بس خيرا لعله بداية التخلص من الإكتناز

طبعا مازلت غرفتي متكدزة نقول كدة تخلصنا من 5% من الكراكيب 😂 ال هم حوالي شوال حاجات

بس خيرا بداية الغيث قطرة وأوصل

ل 100%

Sondos

آيه بجد مش عارفه اشكرك ازاي انك شجعتينا علي حاجات كتيير اوي اهمها اننا نرمي كل حاجه مش ليها لزمة انا بجد وانا بروق المطبخ مش كنت مصدقه كميه الحاجات التي مش بحتجها وركناها تحت مسمي اكيد هحتجها في يوم فبجد انا ممتنه ليكي جدا وكمان فكرة أننا نطلع الحاجات الزايده عن استخدمنا في ناس كتير اولي بيها هي ممكن بالتسبالنا كماليات وحاجات تايهه بس عند ناس تانيه يأساسيات فبجد جزاكي الله خيرا

🌷🌷

Aya

مش متخيلة ي آية كمية الحاجات الى استغنيت عنها بعد ما كان بقالها سنين مركونة تحت بند أكيد هحتاجها فيوم بجد جزاكى الله خير انا لسة موصلتش بصراحة اني أتخلى عن كل الى مش محتاجاه بس الي وصلته مبهر بالنسبة لشخصية زي شخصيتي ممكن تحتفظ بتذاكر مترو ركبته في رحله أو تذاكر حديقة دخلتها او ورقة شوكليت حد هداني بيها فبجد ربنا يجازيكي خير انك كسرتي عندي الحاجز ده 😘

Marwa

عندي ضلفة في المطبخ كنت بخاف اقربلها رف مليان زجاجات زجاج فارغة و برطمنات و الرف الي مصوراه علب بلاستيك فاضية و برطمانات بلاستيك فضيتهم كركبوا المطبخ بمعني الكلمه رميت كتير و البرطمانات الزجاج و البلاستيك ساعدتني في تنظيم التلاجة لأن كان عندي رف مكنتش شيفاه من كتر الكياس عشان اطلع حاجة من البقول او التوابل لازم اطلع الأكياس كلها و اقعد ادور .. حطيت البقول و التوابل و النشا و الشوفان و حاجات كتير ده غير بعد الترتيب بقي عند ضلفة كاملة فاضية خالص ... شكرا يا يويو علي المبادرة الحلوة دي منك ❤

آراء بعض العملاء بعد الانضمام للمنيماليست كميونيتى

Community testimonials

766769a2739be8af1b792ef80f78aa5a_edited.

Maya omar

الجروب فكرته تحفه وعمليه فعلا كنت محتاجه حاجه تشجعني فعلا اتخلص من حاجات كتير رغم اني اصلا ف العادي مش بحتفظ بكراكيب بس بقالي فتره نزعتي الشرائيه متضخمه اوي وعندي اقبال شديد ع شرا ااااي حاجه للبيت ار ليا خصوصا لو عليها عرض زي حاجات رنين والكلام ده ..

فالبالتالي الدواليب ف المطبخ تحديدا بقت ملياااانه حاجات كتير وانا مش بستخدم منها الا حاجات معينه اه في حاجات ممكن احتاجها ادام شويه لما اسرتي تكبر زي اطباق او مصافي او صواني حجمها اكبر شويه او كده بس مش بستخدمها حاليا خالص
فقمت الفجر بعد م دخلت الجروب روقت دولاب المطبخ وقررت اشيل كل حاجه مش بستخدمها وايدي مش بتيجي جنبها خالص عشان اوسع المكان ويبقي منظم اكتر وكانت الحصيله رهيبه الحقيقه

وبعدها ادراج البوفيه
ودلوقتي دخلت ع دولابي وده محتاج يومين مش هينفع اخلصه النهارده..

مبدأيا انا بحب الشنط والجزم جداااا وده مخلي عندي كميه منها خرجت الكرتونه كلها ومنظم الشنط وللاسف مقدرتش استغني غير عن شوز واحده سهره وشنطه واحده تقريبا عندي منها نفس اللون بس مش مستخدمه خالص

والحاجات الي خرجتها من دولاب المطبخ هحاول افرزها واتخلص من اللي ممكن استغني عنه وهشيل الباقي ف كرتونه تحت السرير

احجز الآن