ليه كتبت كتاب عن الحرية المالية
دلوقتى ممكن تعيش الحياة بمسؤولية أخف
كتير مننا بيصرف فلوسه في حجات مبتساعدش علي زيادة معدل السعادة عندة
و بيكتشف كمان انه مكانش محتاج كل الحجات دى و كان ممكن محتاج حجات مختلفة
و بيكون في الأساس بيشتغل شغل مش بيحبه ولا بيتبسط و هو بيعمله
فبدل ما تكون الفلوس مصدر للسعادة ... بتكون مسؤولية زيادة و بتحسسنا بالإرهاق و التعب.
الحلول اللى معظم الناس جربتها و مجابتش معاها
تبدأ بيزنس بمبلغ استثماري
الطريقة دى فى الشغل فيها عيوب كتير زى مثلا انك لازم يكون عندك طن من الافتراضات بخصوص السوق و تحديد المواقع و العملاء و بعد كدة تنفق أموال كتيرة جدا قبل الاطلاق
العمل من ٩ ل ٥
و ده بيحد من حريتك و بيضيع وقت كتير في اتجاهات مش شرط تكون بتخدمك بشكل مباشر أو هتفيدك بعدين
شراء معدات و أخد شهادات
بنكون متخيلين ان شراء معدات زيادة هيوصلنا للنجاح بصورة أسرع و يزود من دخلنا ... لكن الحقيقة دة بيكون عبئ مادي زيادة
زيادة العمل
و ده غير انه مسؤولية زيادة فهو بيآخد وقت و مجهود أكبر و بيزود ضغط علينا و ممكن يكون شغل مبنحبش نعمله
طب ايه الحل ؟؟
الحل النهائى هيكون عبارة عن
طرق و تكنيك لو طبقناها فى حياتنا اليومية هتخلينا نتفادى صرف فلوسنا في حجات مش مهمة ولا هتوصلنا لأهدافنا في الحياة
تخيل لو عندك من الوقت و الصحة و الموارد اللى يساعدك تعمل كل اللى انت محتاجه فى أي وقت انت عايزه
تخيل بقيت آغنى و عندك شغل بتعشقه و عندك وقت كتير تعمل فيه كل اللي انت محتاجه و كمان قادر تساعد الفقراء و المحتاجين بأكتر من طريقة
ده بالظبط اللى هتوصلله لو طبقت الطرق و التكنيكات اللى بيعرضها عليك الكتاب
هتلاقى تفكيرك اترتب و بدأت تختار من الحياة اللى هيسعدك و يخلي يومك يمر ألطف و أكثر انتاجاً
فى كتاب عن الحرية المالية
هتعرف طرق و تكنيكات تساعدك فى ادارة حياتك اليومية و الاستمتاع بشغلك و باللحظات اللى بين ايديك و ان شاء الله مش هتندم بعد كدة على فلوس صرفتها أو على حجات اشتريتها أو على وقت قضيته بشكل معين
و ده لأنك هتعرف طرق مختلفة للتفكير فى اللايف ستايل بتاعك و هتبدأ تآخد قراراتك عن وعي و ادراك
و ده هيقلل احساسك بالندم قدام على حجات فاتت
هتعرف حجات كتير فى الكتاب ده زى
طرق للتفكير فى الفلوس و ادارة المشاريع و الحياة العملية كمنيماليست
نصايح عشان تستمتع بالتفاصيل اليومية و ازاى يكون ذهنك حاضر فى اللحظة اللى بين ايديك
ازاى تخلى حياتك أبسط و ده هيكون تأثيره ايه عليك و على حبايبك
ازاى تختار شغلك و تديره ازاي و تصرف فلوسك في ايه
الكتاب مش كله كلام نظرى هتلاقى خطوات عملية كتير تساعدك على التغيير
ايه رأى الناس اللى قرأت الكتاب
آية الغمرى
من زمان و أنا صغيرة و أنا مهتمة جدا باللايف ستايل سواء كان على مستوى البيت, اللبس, تطوير الذات , الكيفية اللى بأقضى بيها اليوم, تحديد الأولويات ....الخ.
كان دايما بيبهرنى ان حد يكون نفسه جدا بشخصيته الحقيقية و بطبيعته و بستايل بتاعة الخاص جدا !!!
و رأيى دايما ان كل الأذواق جميلة و لذيذة و التغيير دايما مطلوب من وقت للتانى, لكن عشان يكون التغيير دة للأفضل و أقدر أقيسه كان مهم جدا تكون البيئة حواليا هادية و صحية وواضحة و بسيطة, و آكل حلو و ألبس حلو.
و دة اللى حصل بعد ما بدأت أتخلص من الكراكيب فى حياتى سواء كانت ملموسة فى هيئة أشياء أو غير ملموسة فى هيئة مشاعر و عواطف ...
و بالفعل بدأت أتخلص من أى حاجة (مكسورة أو تالفة أو مش بأستخدمها) , لقيت حياتى فعلا بتتغير للأحسن على مستوى (العلاقات - المال - العمل - الوقت) بسبب تركيزى على الحجات المهمة و بس ...
و بطلت أقاوم أى تغيير لأن معناه اننا بنكبر و نتطور و مقاومته بتضيع علينا فرص كتير لحياة أفضل.
و لاحظت ان مع كل تغيير بنشترى حجات تساعدنا و تسهل علينا عملية التغيير ...
مثال: لما ست بتعرف انها حامل فى بيبى ... أول حاجة بتفكر فيها لبس البيبى ده و هل يا ترى ولد وللا بنت عشان تظبط بالت الألوان مثال تانى: لما حد بيعرف ان وراه انترفيو أول حاجة بيفكر فيها هل متوفر عنده لبس فورمال
مع الوقت و مع تجاوز عملية التغيير بتفضل الحجات اللى استخدمناها كانها بواقى فى ساحة معركة ...
و هنا بيجى دورى فى التخلص من الكراكيب دى عشان أساعد الناس يستمتعوا ببيوتهم ، و أماكن شغلهم و تفاصيل يومهم و حياتهم و يستقبلوا فرص أفضل و تغيير جديد .....
الكتاب ١١٢ صفحة
السعر شامل كتاب الحرية المالية
استشارة لمدة ٢٠ دقيقة +